吸金王甄子丹難得返港，昨日即與太太汪詩詩出動睇樓，二人睇中鴨脷洲新樓盤南灣一個價值逾千萬元的單位，並極速扑錘畀首期。

汪詩詩昨日透過電話承認買樓，她表示該單位主要用作投資：「我係為小朋友將來投資，始終老公唔可以打功夫打一世，而且小朋友又咁細。」她坦言向來不諳投資，但認為房地產是最穩陣的投資方法，今次更是首次在港投資房地產，問到為何看中此單位，詩詩表示雖然有感現時樓價高企，但認為該樓盤於同區來說價錢尚算合理：「係新樓盤，而且設備齊全，加上就近地鐵站，個景都唔錯，我睇好有升值潛力。」

自住放租皆宜

首次投資的詩詩表示，一直屬意中小型單位，貪其可以放租或給妹妹汪圓圓自住。今次甄子丹與汪詩詩購入的單位面積771平方呎，坐擁山景，兩房間格，成交價約1,037萬7千元，呎價近13,000元，樓盤預計於明年3月底落成。