陳法拉昨日為HTC擔任模特兒，講起手機，她即自爆每日都受到電話騷擾：「呢大半年嘅下午都有個陌生人打電話嚟，佢唔係性騷擾，只係唔出聲，我試過打番電話畀佢，點知又冇人聽，甚至有個男劇組人員幫我接電話，以為粗聲粗氣可以嚇走佢，點知都係一樣！」她表示因工作關係不能改電話號碼，曾嘗試用兩個電話號碼解決問題：「有個號碼畀親朋戚友或者親密啲嘅人，點知我好大頭蝦，用唔到兩個電話，有時唔記得叉電。」她坦言不想搞大件事而沒有報警，若然是Fans所為，則希望他們自律：「試過有Fans飲醉打電話畀我，問我係咪陳法拉，仲話我個電話號碼喺網上流傳。」她坦言曾遺失電話，為免電話號碼外洩，電話簿會用暱稱。

冇聽諸葛梓岐唱歌

此外，問到會否支持諸葛梓岐攻日出唱片？法拉說：「我睇新聞知道，人哋新聞唔想講太多。（有冇聽過佢唱歌？）冇！」

至於同場從澳洲參加音樂節返港的Cara G.表示，男友沒有同行，音樂節吸引三萬六千人入場，問到有否擔心像德國早前發生的人踩人意外？她認為那是不幸事件，更透露有機會為音樂節目擔任VJ，因尚未成事，故不肯透露詳情：「十月會去倫敦同巴黎做節目。（係咪想轉型避o靚模？）哈……我只係想有不同嘗試，男友都好支持我。」