周柏豪與陳柏宇昨午首度現身亞視，預告將為《亞洲小天使才藝大賽》擔任表演嘉賓。剛剛約滿無綫便亮相亞視的柏豪說：「喺每個平台唱歌都係好機會。（幾耐冇上電視唱歌？）有十個月喇！都想有多啲平台表演，尤其喺電視。（怕唔怕返唔到無綫？）冇得怕，公司有公司嘅想法，歌手只有做好本分。」陳柏宇亦表示冇得怕：「公司話乜就做乜！」
至於亞視副總裁葉家寶（項目推廣及公關）透露正追查何人把劇集《法網群英》上載至內地網站：「內部仲調查緊，唔排除會交畀警方，始終都係知識產權嘛！」又指《法》劇受關注才有人放上網，更大搞噱頭讓觀眾上網揀結局。
