名模陳嘉容（Eunis）近日忙得不可開交，既要應付主持工作，又要學日文，還要兼顧模特兒工作，實行多方面發展！昨日她現身海港城Page One書店，只見她主攻時裝書，約半小時後，她便匆匆到隔鄰的麵包店買麵包，然後趕到附近的日文學校讀日文。事後記者致電給Eunis，她透露近日正為主持時裝節目作好預備：「嚟緊會幫電視台做一個時裝節目主持，所以有時間都會睇多啲時裝書，吸收多啲知識。（點解你學日文？）其實我已經學咗半年，因為自己好鍾意日本，之前又帶過團，有時去到日本，用英文未必溝通到，咪學吓囉！」