容祖兒將於11月20至23日舉行一連四場《Nokia Joey Yung Concert Number 6容祖兒演唱會》，今日透過指定信用卡作優先訂票，門票未開售已供不應求，吸引不少「祖迷」致電唱片公司及歌迷會訂飛，令內部訂購超出預期，唱片公司為滿足歌迷有意加場，祖兒開心地說：「有咁嘅反應梗係開心啦！」

為求效果完美，祖兒乖乖企定化妝。

放大圖片

密密操Fit等開騷

祖兒承認欠下飛債：「好多朋友都打嚟落飛，如果真係加場，相信可以還清飛債！」由於對上一次個唱舉行了十場，問到有否信心打破紀錄？她說：「要靠大家喇！（應付到？）依家已經開始操Fit，做一場又係咁排，做十場又係咁排，排得咁辛苦都想多啲人支持。」她透露今次是第六次踏上紅館舞台，加上她於6月16日生日，故個唱名為「Number 6」，她說：「今次個唱對我好有意義！」

日前祖兒以一身白雪潮Look拍攝個唱海報，雙眼化上銀白色眼影，唱片公司為隆重其事，在紅磡區及英皇娛樂集團中心掛上巨型海報。