謝霆鋒、張家輝、吳浩康、桂綸鎂及鍾舒漫等，昨晚出席Philip Stein贊助英皇電影《綫人》首映禮，剛成功隆胸的莊思敏前日「峰」騷晒隆胸成果後，昨晚卻收起「新咪」陪同男友撐首映。對於女友隆胸一事，吳浩康說：「支持佢嘅決定，只要佢開心而不傷害人，不過支持唔等於認同！」問他是否不認同女友做法，他說：「我唔係有特別立場，之前都有人做過冇問題。不過我之前唔係咁了解，有啲擔心！（手術前有知會你？）以佢性格決定咗就冇得商量。（佢任性？）有主見啫！」吳浩康強調不介意女友假胸，坦言若介意就已經分開了，故他以行動證明對女友情不變，他說：「佢依然係佢咪得囉！最重要個腦同個心仲係我識嗰個。」

一眾《綫人》演員出席首映禮，期望電影有好成績。	戴着Quintus字樣鑽石鏈的霆鋒（右）與張家輝談笑風生。	獲上海影迷慶祝生日，霆鋒（右）開心得大叫。

吳浩康自爆曾問女友隆胸是否想行性感，若女友答是的話，便等於大家想法不同，故他亦考慮是否要與女友分手。問到女友現時身材好會否多與她暢泳，他說：「派米（即騷胸）？唔會！我都幾大男人，有啲嘢介意同人分享。（建議女友拆彈？）佢自己衡量。」

鍾舒漫穿上低胸裝撐場，性感誘人。

桂綸鎂穿短裙示人，勁騷長腿。

張家輝唔敢諗冧莊影帝

另外，張家輝沒有帶同妻女撐場，他表示為了票房理想，會配合內地其他地方的宣傳，他說：「個女好叻，一見我出門就問我係咪返內地！」問到會否望憑《綫人》再奪影帝，他表示不會多想。而謝霆鋒穿上西裝、戴着「Quintus」字樣的鑽石鏈到場，他表示服裝全由太太安排。問到細仔的中文名，他說：「我生仔同其他人冇分別，只想低調同小朋友健健康康！」另外，謝霆鋒前日（16日）在上海出席電影映見面會，獲現場觀眾預祝生日，霆鋒開心得高舉「我愛你們」回報！