17/08/2010

播放本新聞相關短片

衞蘭唔驚蠟像遇鹹豬手

衞蘭昨日為香港杜莎夫人蠟像館十周年活動任嘉賓，她表示有意待十月個唱後，以個唱造型為其蠟像換新Look。問她可會藉蠟像展示性感一面，她笑說：「唔會特登用Sexy形象吸引人嚟睇！（驚有惡搞遊客向你個蠟像鹹豬手？）唔會啩！就算係都冇得控制，唔係摸我真人就OK。」對於草蜢及千嬅亦同期開個唱，問她可擔心競爭大？衞蘭說：「冇擔心，自己做好本分。」她又指師妹JW現正開學，但希望對方能返港擔任其個唱嘉賓。