芸芸蜜照中，只見藍燕與苗僑偉（三哥）及黃日華等合照時顯得較規矩。對於合照，三哥直言：「我唔識呢個人，年中我影好多呢啲相！」身在日本旅遊的黃日華，其助手代覆：「佢哋影相嗰日，藍燕係不請自來，佢埋到嚟話影，華哥都冇所謂啦！」

志偉：冇痛腳畀佢捉住

而與藍燕攬頭攬頸合照的關寶慧說：「我哋稱不上朋友，只係佢個名同我恩師南燕一樣先對佢有印象，幾年前佢跟朋友嚟志偉個Party，捉住我影相，之後又想跟我走！」曾志偉則說：「佢只係我一班人之中嘅共通朋友，間中約出嚟玩，我冇痛腳畀佢捉住，冇乜好驚。」而曾合照的英皇藝人泳兒、張致恒、洪卓立及關智斌等，均表示與藍燕不熟。