現年24歲的內地女星藍燕（Leni），入行以來知名度不高，近日她全裸與葉山豪及姚洛銘拍三級片。日前她將與導演唐季禮的一段情擺上枱，即被指博上位，昨日她接受本報訪問時，承認與唐季禮曾於06年拍拖，更不止一次往對方家中探訪！
言行大膽的藍燕在訪問中提及多位圈中人，又露骨地大談與一名俊朗製作人的性愛經過，令圈中人人自危。藍燕憶述與唐季禮的拍拖經過：「05年喺北京演藝人協會見到唐季禮，第一眼已經鍾意佢，覺得佢好吸引，好靚仔。」
SMS舊愛未獲回覆
至06年參加同學派對，唐季禮正是其同學親友，二人火速發展：「大家相處一段時間，我係有去佢屋企，亦上過好多次。（諗過結婚？）有，但當時得18歲，最後因為畀人影咗所以分手。（咁就分手？）唔想影響佢事業，唐季禮話會搞掂，叫我唔使擔心，我當時未出名，亦唔想靠呢啲新聞上位。」她大讚唐季禮溫柔，直言很「掛念」對方，問她爆料後有否致電對方，她表示有SMS，但未獲回覆：「同學有打畀我。（鬧你？）冇，關心吓我，問我點解咁。（想復合？）冇可能再一齊。」
睇樣揀床戰對手
藍燕更繪影繪聲大爆與俊朗製作人的性愛經過，連性愛花式也公開，她昨日尷尬地說：「呢啲係男女間嘅事，我係追求快樂，覺得冇乜嘢，我鍾意佢，想滿足佢。（有冇同其他幕後人床戰？）好少，佢哋長相唔好，我亦唔會一夜情，不過我好易戲假情真，試過同藝人上床，但佢唔出名，亦唔係香港人。」
愈講愈激的她直言有很多追求者，有傳周杰倫亦曾追求她，她說：「我覺得佢有追過我，但唔知佢係咪咁覺得啦！當年《功夫灌籃》首映之後一齊食飯，佢去北京時一日打四次電話約我食飯。（點解冇發展？）佢喺台灣、我喺內地，距離太遠，而且佢太Young，又太多人鍾意喇！覺得自己冇能力同咁多人爭！」
大膽激照未公開
至於在網上公開與圈中人合照，其中還親熱地錫錢國偉面珠，她說：「冇諗過佢可以幫到我上位，佢只係同我玩得埋，其實有啲仲大膽，冇Post上去。」至於葉山豪對於藍燕大爆與唐季禮的舊情，他認為不應該：「好擔心佢啲咁嘅新聞會拖累我哋！」
藍燕（Leni Lan）
綽號：小張栢芝
三圍：32C、24、34
年齡：24歲
背景：生於上海，08年落選亞姐，姑丈是江蘇首富。
演出經驗：俄國電影《蝴蝶之吻》、港產片《回家的路》；內地電視劇《霧都魅影》、《鑽石豪門》、《天地姻緣七仙女》等。