甄子丹姨仔汪圓圓昨日與張燊悅出席apm的《城市潮流文化》慈善活動，圓圓透露近日跟有傳經常兇惡鬧人、戲劇大師Philippe Gaulier學戲，問到曾否捱鬧？她笑說：「佢個個都有鬧，但我唔識聽，因為佢講英文，又夾雜少少法文。（唔向姐夫偷師？）佢都學緊，如果要學就學佢啲功夫，但佢唔收徒弟，我都要諗辦法做佢首徒！」
懷有九個月身孕的張燊悅透露，預產期為下月初，問到是仔還是女，她說：「你哋未知但我就知！（老公有乜獎勵？）我哋講心唔講金。」問到為何仍穿貼身裙？張燊悅說：「我好耐冇買過大肚衫，見仲啱身咪着！我連BB衫都冇買，因為同啲媽咪朋友交換。」提到內地有疑似激素奶粉事件，她表示會餵人奶及選購有機奶粉。