周秀娜（Chrissie）於電影《熱浪球愛戰》中，跟傅穎及Jessica C.（JC）大鬥球技，為求有好表現，Chrissie最近頻頻到楊盼盼開設的「煇煌電影動作訓練．創作室」練功夫，與動作導演葉永健及導師練武，連拉筋也拉到出晒汗，當拉大腿內側筋時更痛到大嗌，結果被工作人員取笑大聲，是「宇宙最強」，她笑說：「每次做呢個動作都痛到撕裂咁，嗌到拆天，工作人員話未試過有人嗌得咁大聲！（檔期密仲要練功好辛苦？）唔會，仲精神，因為平時少運動。」
有指Chrissie與傅穎在《熱》片開鏡時連成一線冷落JC，但Chrissie直言與傅穎很早便一起練習，相處時間較長才變得熟落，但她也激讚JC是個不俗的女仔。接拍新片後，Chrissie經常要到戶外練波，皮膚明顯曬黑，對此她笑說：「依家我公司啲同事成日叫我做菲律賓人，都唔明點解傅穎曬極唔黑，我拍完套戲都要搵美容院做全身漂白。」
