莊思敏（Jacquelin）昨天為《亞洲青年婚紗設計師大賽》新聞發布會擔任模特兒，隆胸後首度開工的她，以谷胸婚紗勁谷事業線示人，甫出場即成為焦點，現場不少鏡頭「高炒」務求拍攝最佳「峰景」，而Jacquelin更任影唔嬲，樂於展示隆胸成果。

唔慣個胸好重

提到隆胸後身材Big爆，Jacquelin笑說：「梗係！唔係做嚟做乜？依家未消腫，所以未知個Size，但都應該升咗兩Cup。不過都好唔習慣，因為條腰好易攰，而且個胸比之前重！」問到是否認為很多模特兒也需要隆胸，她表示不少模特兒都懂得以Nude Bra等方法來製造「胸湧」效果：「但我唔叻，所以去隆胸！我覺得好普通，只係將啲外置嘅嘢內置咗，好方便安全，有咩事咪拎番出嚟！」至於早前批評模騷胸上位，但現在又隆胸，問到會否自打嘴巴，她o靚說：「唔係針對任何人身材好，只係針對有啲人將個胸做工作焦點，我依家身材好唔代表要成為工作焦點，屋企有米唔代表要派米！」

莊思敏任影唔嬲，樂於展示隆胸成果。	莊思敏擔任模特兒行騷，心情靚爆。	莊思敏儼如公主出巡，有專人扶上台。

拒吳浩康按摩

問到男友吳浩康有否欣賞其身材，Jacquelin說：「未喎！佢有叫我Send相！（胸部照？）唔係，因為我對眼瘀晒，佢想睇，關心我痛唔痛多過製成品！」她表示消腫後要到美容院接受一個月按摩，問到為何不由男友代勞？她說：「美容院有包，係售後服務！（有冇人摸過？）朋友囉，佢哋話依家偏硬，好似個健康球咁，做埋按摩會自然番！」