當日泳池派對甫開始，Katy Perry即脫下吊帶背心裙，以可愛比堅尼示人，躺在太陽椅上的她規定記者落水才可發問，場面搞笑！其新碟名為《Teenage Dream》，她剖白從小發明星夢：「自細已經想做歌手，喺好多觀眾面前表演，又成日諗住華麗舞台，估唔到真係可以實現到，當然遇過好多波折同嘲諷！我好清楚自己嘅路，所以15歲嗰年離開學校追尋夢想。」

Katy和男主持坐在太陽椅上，規定記者落水才可發問。

以黑色泳衣亮相的Katy，獻唱多首新歌。

Katy新碟封套造型幾乎全裸，問到是否很愛突出自己時，她說：「我唔覺得，我得25歲，對自己身體覺得舒服、自豪。」

婚事保持神秘

早前到訪亞洲各地如日本、馬來西亞等，Katy直言被亞洲Fans的熱情融化：「好似喺馬來西亞，起初我以為只係因為首次開騷先受歡迎，但見到萬幾個Fans興奮伴唱，嗰一刻真係好感動！亞洲令我感受到愛，我愛亞洲！」她又不忘冧Fans，大讚亞洲男士有型靚仔，打扮有品味。

對於與未婚夫布蘭德的婚禮計劃，她決意保持神秘。早前有指婚禮全由布蘭德話事，Katy笑說：「嗰個係我發起嘅謠言，只係一個好玩嘅惡作劇啫！」

與粉絲嘴對嘴

新加坡一行除記者會外，Katy亦為SingFest音樂節擔任首場壓軸表演嘉賓。當晚舞台以沙灘布置為主題，擺滿椰樹、吹氣沙灘波等道具，以黑色泳衣亮相的Katy，彈奏結他獻唱多首新歌如《California Gurls》及《Peacock》等，令台下Fans陶醉勁舞！Katy更興奮地與Fans互動，除了拋沙灘波落台外，又邀請一男一女Fans上台伴舞，最後更送上嘴對嘴熱吻回謝，令全場慶合合！

李潔珊新加坡直擊