14/08/2010

播放本新聞相關短片

關楚耀開騷怕喊濕舞台

吳雨霏（Kary）、關楚耀、Mr.及「萬寧哥哥」沈志明出席I.T旗下品牌SOPH.的開幕活動，有份出席Cookies餅碎音樂會的Kary，對餅碎被批評走音，她維護舊隊友說：「我OK，冇問題！佢哋7、8年冇上台！（鄧麗欣同傅穎冇到唔念舊？）Stephy去咗拍戲唔喺香港，Theresa有工作忙，我唔鍾意唔念舊呢個字眼，遲啲大家或者有機會再喺埋一齊！」

而關楚耀表示剛與公司開完會，並落實本月20日假九展舉行音樂會，屆時會邀請同公司一班好友出席，問到會否邀請舊愛衞詩出席？他避忌地說：「會請同我一齊經歷過高低潮嘅朋友，睇Timing！」他戲言擔心淚灑舞台，故要物色紙巾贊助。

關楚耀將於九展開騷，並希望物色紙巾贊助以防淚灑舞台。
  • 關楚耀將於九展開騷，並希望物色紙巾贊助以防淚灑舞台。
有份出席餅碎音樂會的Kary，力撐舊隊友唱功OK。
  • 有份出席餅碎音樂會的Kary，力撐舊隊友唱功OK。