這對好兄弟自《走投有路》開始結緣，經過《証人》的洗禮，到如今在《綫人》中合作，彼此有非一般的默契。家輝喜歡出難題挑戰好友，不時叫對方試演自己的戲份：「佢最清楚要點嘛，難得佢又睬我，試過有次佢演到聲淚俱下，淨係睇佢個樣都叫人動容。」Lam則說十分享受現場欣賞家輝與廖啟智鬥戲：「觀眾去戲院睇，都已經經過剪片同配樂等工序，我喺片場睇住兩個好戲之人即場演繹，忘我到唔記得叫Cut機。」

林超賢曾想轉攻「女人戲」市場，但家輝極力阻止。

家輝與林超賢在《証人》與《綫人》兩片中合作。

好友互撐

Lam一句「人面全非」，令家輝抹去《証人》的一切，全心揣摩《綫人》的角色。自言圈中好友不足十人的他，更不諱言只以平常心去面對明年的金像獎，但希望好友能奪得「最佳導演」。家輝對好友信心十足：「我同佢雖然未做到心有靈犀，但彼此默契十足，佢就算依家叫我由廿樓跳落嚟，相信佢都做好晒預防措施，預晒鏡頭擺位，件事出嚟會好有震撼力，所以我唔會問咁多。」一向擅長拍動作劇情片的Lam，早前忽發奇想，想轉攻「女人戲」市場，家輝如有「切膚之痛」並極力阻止，兄弟情果然毋庸置疑。

由於成長背景相若，《綫》片內所出現的安置區、廢校及乾貨市場等同是家輝及Lam的情意結，很希望透過電影，緬懷這些幾乎絕迹的場景。原來睇景期間Lam如有踏破鐵鞋之感：「好似想去乾貨市場日光日白咁拍戲，但阻住人哋做生意，我咪要逐家逐戶去打招呼囉！」幸而早前舉行的幾場試影會，觀眾反應及口碑不錯，相信二人會感到幸苦有價。

支持學生

此外，張家輝昨日聯同導演麥曦茵出席《賽馬會電影學堂》成立儀式，即場獲頒學生證，家輝還答應任學堂大使，他說：「年輕人多些接觸正面活動，除了可培養對電影愛好，更加可以避免一些壞習慣，如濫藥同情緒病。」家輝還指若學生有優良作品，他不介意減價甚至免費演出。