跳舞歌手狄易達面對唱片巿道低迷下再度推出新碟，自知出身小型唱片公司，欠缺資源下舉步維艱，但從未想過放棄，他說：「努力係我唯一可以報答身邊人嘅嘢，有好多人叫我轉公司，亦有公司曾經開出好好條件畀我，但係咪包紅先？信念係只要堅持，唔同嘅路都可以行到去終點。」他更捱通宵剪輯自彈自唱片段上網，為的只想用誠意打動歌迷。
新歌《可多不可少》請來方大同作曲及林夕填詞，達仔表示《可》是他蛻變的代表作。入行兩年，達仔自言最不開心的，竟然是識不到女朋友：「係一個遺憾嚟o架！（要求高？）可能因為我唔多出聲啩！」至於緋聞女友鄧紫棋（G.E.M.）？達仔坦言對方不是其心儀類型：「我鍾意啲笑起嚟腰果眼、好甜嘅女仔，G.E.M.太搞笑同太可愛，我哋俗稱係太爆！」