由郭富城及鄒兆龍掛帥的電影《全城戒備》，講述變種人的故事，全片以男性角度作主導，過程當然少不了陳木勝的耍家動作場面，他透露一場拍了二十日的槍戰大場面，最後因要顧及片長關係，惟有忍痛大量刪剪，最後只剩下幾個鏡頭。

而三度與郭富城合作的陳木勝，除了安排連場打戲給城城之餘，還發掘他的喜劇天分：「佢對自己要求好高，堅持己見，希望做到最好，唔好有NG，搞笑就平時都係咁，成個大細路咁，不過今次有一部分係演小丑，城城都做咗好多資料搜集，好似有睇法國馬戲班係點做，學習人哋嘅動態，對佢今次演出都好有幫助。」

科班出身具潛質

至於首結片緣的兩位女角舒淇與張靜初，陳木勝不禁大為讚賞，不諱言動作片中的女主角往往較難突出自己，沒料到舒淇拿捏得很準繩，他說：「每次拍佢都係一、兩Take，已經好到，比我預期中仲要聰明。」相對於舒淇的好戲，靜初的表現乃另一種專業，科班出身的她，拍攝前先了解過程，還不斷向導演追問，他說：「佢文戲交好多功課，動作方面都做得好好，唯一我覺得陰功，係有次佢將套動作練咗4、5個鐘，最後拍嗰時改晒，浪費咗佢一番心機。」

陳木勝透露起初雙方談及角色時，靜初很希望於打戲方面有表現，他說：「佢好想再畀機會打多啲，呢個女仔好勤力，拍之前用兩、三日練習用兵器對打，同埋今次同佢打嗰啲個個都有功夫底，佢都毫不遜色，所以我好滿意！」