曾以「妓女上街」妙論o靚模入書展的黃秋生，昨晚到演藝學院睇騷，問到對無綫港男只招待女性入場的看法？他語帶譏諷說：「有啲咁有趣嘅事？好似人哋加拿大睇脫衣舞騷咁呀？只准女性入場？但人哋都畀帶男性朋友入去o架噃！如果TVB可以接受意見就最好，如果唔係就怪怪哋，好似有啲咩秘密咁！（睇直播？）我呢輪放緊假。（陪個仔？）陪邊個都好，好攰呀！但又想學揸艇、揸飛機，想考牌，我肥咗廿磅，要減，好似有朋友想Sponsor，可能會試。（性感拍廣告？）我性感唔起，感性啦！」

(3)黃田麒認為有男觀眾入場睇，感覺怪怪的！

陳倩揚今年會帶姊妹捧港男場。

(10)翟威廉攞獎咀江欣燕

而香港男士關注組、平等公義協會及愛護家庭家長協會代表，昨日在立法會議員王國興陪同下拉大隊到平機會投訴，要求正視節目中「貶低男士」及「賣弄不良訊息」的情況。對於無綫改例招待男觀眾，王國興說：「無綫有改善當然好，但我哋投訴嘅係已發生、涉及違反平等嘅事實，所以會照樣投訴。」

此外，十位候選港男昨日出席《第一屆「魅力財俊」獎》，(10)翟威廉繼早前的「旅遊大使」後再獲獎，贏得向評判江欣燕送吻的機會，他照錫不誤。對於有團體投訴，他說：「我冇意見，女嘉賓都唔會摸敏感部位，所以冇乜所謂，節目形式係玩。（介意男觀眾？）做騷啫！你嚟睇我就開心。（團體指前幾屆啲冠軍提升唔到香港男士形象？）冇評價。」(3)黃田麒則說：「男觀眾睇電視啦！入場好怪！（怕被摸？）節目外地都會播，都唔想畀人睇到男仔摸男仔。（女仔摸就得？）都怪！握手就得！」而前港姐陳倩揚則呼籲：「大家輕鬆啲，當Party睇，之前幾年啲Feedback都好好，今年我會帶姊妹撐場。（張舒雅情變密謀復出？）我唔知佢復出日期，但應該冇喎！」