近日有指「浸大E神」楊梓瑤（Carol）出道短短數月已勁賺近100萬，但昨日Carol到美食博覽宣傳日本美食時，卻突然收起性感，只穿上和服，問到為何突然密實，她說：「件衫係大會安排！」提到有指她勁賺近100萬，她說：「搵幾多錢我冇計過，賺錢都係為咗家人，幫補自己嘅學費！邊有咁多？冇呢個數字！作為新人，如果有呢個數字，已經好滿意！如果真係搵到，要交多啲稅都係值得！」此外，她表示下月開學後會專注學業，放學後才會接工作。問到是否怕影響學校聲譽？她說：「唔擔心！個稱號只係人哋畀我！」