近日霍啟剛與台灣女主播趙彤傳緋聞，不過他事後火速向女友郭晶晶派定心丸，澄清與趙彤只是朋友。據知「剛晶戀」感情一直要好，早前有人目擊霍啟剛飛往上海與晶晶恩愛撐枱腳，及後雙雙返回五星級酒店。
至於趙彤昨晚出席公開活動時，澄清與霍啟剛只是普通朋友，沒有發展機會，她直斥報道失實，報道出街後已致電霍啟剛：「大家都覺得好嬲，又覺得好笑。（點識？）識咗五、六年，係一個朋友聚會識嘅，我都識郭晶晶，大家有見過面。（以後避忌？）一班人食飯係正常社交生活。（唔怕被指搶人男友？）人哋咁講我都冇辦法。（有機會發展？）唔會！（打畀晶晶解釋？）冇！佢都唔喺香港。」
