所謂緣分天注定，婚後10年未有所出的溫碧霞想做媽媽時，卻發現自己身體應付不來，直至兩年前在機緣巧合下到內地一間醫院，從此改變了她的一生。她說：「喺醫院見到好多被遺棄嘅小朋友，見到好心痛，於是決定收養，佢哋真係好得意，好彩我老公係美國公民先可以收養，我同老公等咗兩年先收到個仔張相同資料。（點解要收養？）係因為婚後好想享受二人世界，冇諗過要BB，到想要小朋友時已經太遲，健康狀況根本唔適合生，其實我真係好鍾意小朋友，所以當我收到個仔張相已經鍾意佢，決定要收養！」Irene表示囝囝已取名為何國倫，英文名Xavier，本月23日就一歲：「個仔嘅中文名係照老公家族族譜改，我上個月先接佢返屋企，佢真係好乖，好有個性，係個Happy Boy，遇到佢真係上天恩賜，好多嘢真係整定。」

溫碧霞與老公何祖光沒有把握機會造人，決定收養內地男嬰。

母子互錫溫馨感人。

兒子生病感心痛

Irene深深體會到當媽媽那種牽腸掛肚的感受，皆因兒子第一天回家便生病，身上長滿紅色粒粒，她說：「我見到就即刻帶佢睇醫生，嗰刻好心痛，從未感受過，我當佢係親生仔一樣咁愛佢，依家佢成為我生命中最重要嘅人，無時無刻都掛住佢，我只想令佢開心成長。」