本文重點
名模莊思敏昨日承認割雙眼皮及隆胸，更被本報記者發現她在寓所附近的超市購物，身穿鬆身衫的她大方任影，並指手術前曾經過深思熟慮：「我本身係內雙眼皮，搞到嘥好多時間化妝，所以決定割雙眼皮！加上身材都平咗咁耐啦，想有改變咪整埋！」她坦言為上圍由32A跳升至32C付出了痛苦代價：「胸部傷口仲係脹脹痛，未着得過頭笠嘅衫，眼就因為皮薄而未去腫！下星期仲要行騷，有啲驚未去瘀！」她續說：「其實你哋（指記者）睇到都有好多係整過，不過冇人認之嘛！」
傷口未愈的莊思敏昨晚以密實打扮兼戴黑超出席慈善活動，問到為何傷口未愈仍出席活動？她說：「我勇敢囉！」並直言日後穿晚裝時會更性感更有自信。問到會否覺得隆胸是自欺欺人？她反問：「點解？（假囉！）唔會！科技成熟又唔影響健康，我又唔係講大話！」並揚言已知會父親，但同行的妹妹莊思華卻踢爆她「講大話」。
男友吳浩康勁擔心
至於出爐港姐季軍的莊思明，大讚家姐承認整容相當勇敢：「我就好怕痛，所以冇膽咁做！」而思明孖生家姐思華則在微博留言指「Must Hurt」。
此外，身在內地拍劇的男友吳浩康則大表擔心：「佢做手術擔心多過開心！佢要全身麻醉，手術由1點做到5點都未醒！」他又否認女友因想結婚而「僭建」，並表示要待月底才能欣賞「製成品」。