由郭富城與舒淇主演、寰宇娛樂投資逾億元的電影《全城戒備》昨晚舉行首映禮，舒淇以一身湖水藍色的ARMANI低V裝亮相，城城忍不住大讚：「好靚、靚晒、靚晒、靚晒、好鬼靚！佢係我心目中嘅性感女神首位！」他表示雙方認識逾10年來，舒淇一直咁索，問到是否目不斜視，他說：「佢嘅心入面我已睇透，呢啲唔係用眼去睇，性感係由內心發出！」

城城刺破氣球時，嚇得舒淇躲在他身後。

城城與舒淇你一言我一語互相「調戲」，十分搞笑！

水着T-back慶功

舒淇則表示沒有刻意節食，認為有曱甴肚更靚，問到會否考慮出寫真，城城即時搶答：「一齊出！冇問題！」二人笑言若票房逾5億便穿泳裝示人，城城更揚言穿T-back，舒淇即笑說：「咁要借你健身房用。」城城亦無懼熊黛林呷醋，一口答應：「你隨時上嚟！（唔驚人嬲咩？）冇人嬲！邊有人嬲？舒淇唔嬲我就得。」

城城與舒淇在《全城戒備》中有不少動作戲，場面逼真！

城城拍攝Ending戲時，在多部車輛中穿梭，睇見牙煙！

另外，舒淇被問到性感亮相是否為硬撼o靚模及本答應出席的周秀娜，她說：「我成日都係咁，o靚模喺度咩？見唔到！」城城則說：「一條毛都冇！」舒淇笑笑口說：「好彩佢（周秀娜）冇嚟，如果唔係我輸晒！」口甜舌滑的城城聽罷又發功：「真係謙虛，你哋睇吓大明星幾謙虛！」氹得舒淇勁開心，並說：「我好愛你！」