昨日梁詠琪（GiGi）出席電台訪問時，對於被鍾欣桐（阿嬌）取代微博女王之位，她表示只知大家被關注人數逾100萬，與阿嬌有互相關注，亦有人透過私信邀請她工作，但有時Fans留言太多，似變身「乜乜夫人信箱」解答感情的問題。
談及近日鄭伊健與女友蒙嘉慧傳婚訊，甩拖的GiGi笑說：「佢結婚我最開心啦！（最開心？）戥人開心有乜問題呢？（喺微博關注伊健？）唔答你，你哋自己睇啦！（有冇私信？）我關注佢本人多過喺微博。（將來請伊健飲喜酒？）將來嘅事將來先算，希望佢快啲生BB，佢生嘅應該幾得意。」而記者查看GiGi和伊健微博，兩人均沒有關注對方。
