影帝張家輝於英皇電影《綫人》中，除了與賊人鬥智外，原來有一場與性感女演員的激烈床戲，他笑言是導演林超賢所送！二人除了激咀外，該女演員更騎在家輝身上，家輝事前與她溝通清楚：「我會講到時摸到邊啲位，確保大家都同意先敢拍！好在呢場戲好順利，一Take過收貨，但老實講無福消受，我鍾意演內心戲多啲！」雖然場面火辣，但他表示太太關詠荷未有呷醋：「拍呢類場口都會知會一聲，佢都係演員，會體諒！」至於林超賢坦言曾擔心家輝拒絕接拍，沒料對方爽快答應：「呢場戲對個故事發展好緊要，好在佢應承，非常專業！我好開心可以同呢類演員合作，大家識咗咁多年，有晒默契同信任！」另外，苗圃拍攝一場受重傷戲份，效果亦相當逼真！