雖然模予人感覺只懂賣弄性感，但其實她們亦有自己的想法及關心時事，當中陳靜（DaDa）與李蘊昨日相約到尖沙咀行街，由於知道巴士司機會有工業行動，故自備「必勝」字樣的紙扇及礦泉水送給他們作慰勞。

DaDa（左）與李蘊送水，為車長打氣。

眼前這位九巴員工滿頭大汗，DaDa即替他抹汗。

曾被非禮驚到喊

兩人於中午到達尖沙咀碼頭巴士總站，為司機打氣及解暑，她們登上一架巴士，向車長派水及撥扇，又大叫「支持、加油」口號，支持他們的行動。其後，她們落車再派水給九巴員工及合照，DaDa見對方滿頭大汗，還用紙巾為對方抹汗，十分細心！

由細到大都習慣坐巴士的DaDa，曾在巴士上遭非禮，當時得車長相助，故她對車長更是敬佩：「今次派水係想鼓勵吓佢哋，我讀小學五年級嘅時候，曾經喺巴士上畀人摸大髀非禮，當時我驚到喊，其他乘客就通知司機，司機即時採取行動，唔畀個色狼落車，直接車去警局，我到依家仲記住，亦好感謝佢見義勇為，所以一定支持佢哋嘅行動。」李蘊則表示巴士司機如街坊一樣，親切及親民：「每逢新年搭車，司機都會向每個乘客講新年快樂，今次為支持佢哋，我哋會遊巴士河。」