早前鍾蕙芝（Lavina）在電台節目數臭經理人Admond，昨日她接受本報記者訪問時再辣火頭，喪踩舊拍檔冬甩成員！對於被Admond指私自做PR，她說：「我讀咁多書，如果我都要做PR，咁佢旗下啲Model好似Rainbow同冬甩咁就更加需要做啦！」暗指冬甩成員學歷比她低。問到有否想過跟Admond停火？她說：「我都想息事寧人，但咁樣唔代表我投降！（點解Admond會咁講？）可能我做咗啲令佢唔開心嘅嘢，佢老羞成怒！」
被寸的冬甩成員曾寶玲（Ar Yu）及許麗燕（Irene）即時反擊，Ar Yu說：「好唔開心，會考低過五分嘅有三萬幾人，叫佢小心言多必失，得罪其他低分嘅人，同埋佢揀嘅職業唔關我哋事！」而Irene則直斥Lavina抽水：「都唔知點解佢拖我落水！（讀得書少？）我啲分數同佢差唔多，我都有讀過預科。」此外，Lavina昨晚接受有線訪問時再力數Admond不是。