楊千嬅昨日出席《零錢布施》活動，現場播出她與黎明拍攝的宣傳片，想不到兩人分開公司後卻有合作機會，千嬅說：「黎生喺香港拍，我喺非洲拍，雖然地域唔同，但愛心一樣。」早前她往埃塞俄比亞探訪，由於當地女人地位低，公民意識不足，女性常被性侵犯，要學防狼術自衞，千嬅到訪當地，趁機學了三招防狼術，還大讚有效，被取笑可以用來對付老公，她以一副標準老婆口脗說：「夫妻相處之道唔會動手，呢個只係落後國家用啫！」

千嬅與黎明拍宣傳片，呼籲零錢布施。

千嬅穿上Isabel Marant外套襯H&M及膝褲，又型又潮。

過咗啖氣當冇事

問到是否動口較多？千嬅說：「都唔會！多數出IQ題再玩骰盅，輸咗當無數，以前細個成日發脾氣，依家30幾歲收晒火，就算意見不合都唔會出聲，我性格唔鍾意同人嘈，我表達情緒方式係黑面，可以黑過陳奕迅，唔笑個樣已經好黑，笑少啲佢都好擔心。（老公點氹番你？）過咗啖氣，攞番出嚟講就冇嘢。」

此外，早前千嬅出動逾百對私伙高踭鞋，為新歌《斗零踭》拍攝MV，她說：「原來有好多對鞋都未着過。」