歌唱節目《勁歌金曲》明年30周年，在欠缺四大唱片公司歌手撐場下，無綫打算邀歷屆經典主持撐場，當中包括「一剎那光輝唔代表永恒」的蔡楓華。節目負責人陳家揚昨日證實正游說他「復出」，另外還有盧敏儀及周慧敏等，對於蔡楓華近年行徑古怪，與他分屬老友的陳家揚說：「蔡楓華過往係受咗啲壓力，佢都有擔心，仲話『我以前好靚仔喎！依家會唔會變咗阿伯o架？』其實佢當年只係講錯嘢，應該畀機會佢。（要佢收身、執靚個樣嗎？）唔使，只要精精神神就得，除咗做主持外，我仲想佢唱歌。」
另外，在《超級巨聲2》冒起的參賽者林欣彤，多首參賽歌在YouTube播出，點擊率逾百萬，但為鞏固tvb.com的點擊率，無綫已出律師信要求YouTube停播。