繼《女人最痛》及《談情說案》被指抄襲後，無綫只睇成績懶理批評，再抄極具爭議性的內地劇集《蝸居》，並於下月開拍，取名《抉宅男女》。主角鍾嘉欣、滕麗名、吳卓羲與謝天華將大搞男女關係，其中嘉欣一角十足《蝸居》的「海藻」複製版，同樣為向上爬而進行不道德交易！
鍾嘉欣昨日承認收到《蝸居》的影碟：「監製講明叫我努力睇『海藻』一角。（擺明抄劇？）我係演員，責任係演好角色。」而監製張乾文亦力撐沒有問題：「好嘢要Share，發揚光大，新劇講住屋問題，上海背景同香港一樣，都係巿民面對嘅切身問題，可以畀香港觀眾一個宣洩。」至於獲斟與苗僑偉飾演一對的郭羨妮，雖未知會否接拍，但坦言感榮幸：「同佢合作過《上海傳奇》，但我一出場就死咗。（抄襲？）世界一大抄，外國《無間道》都係喺香港抄過去啫！」