周柏豪昨日出席活動時透露，剛與Angelababy於洛杉磯拍廣告返港，由於二人早已認識，故合作愉快，還相約行街拍照，怎料當他將相片放上微博後，竟引起Baby的粉絲呷醋，有人留言狂插柏豪：「你係咪鍾意Baby啊？成鬼日發Baby嘅相！真係飽死！」甚至以死相脅！而柏豪粉絲亦留言抗議：「你不要愛上她，我們會心碎的！」
柏豪無奈地說：「有Baby嘅粉絲喺我個微博留言，叫我唔好打Baby主意，唔係就跳樓死！我覺得好誇張，粉絲都話佢諗多咗，叫佢唔好咁，我就留言叫粉絲唔好嗌交！（怕唔怕『海綿蛋糕（黃曉明）』呷醋？）我唔識佢，幻想唔到佢感受，不過我唔會做第三者！」
