泳兒昨日偕JC及洪卓立出席在新都會廣場舉行的《星級潮遊派對》，兩女齊以熱褲背心示人，不賣身材只賣靚聲的泳兒，為免身材成焦點，特意在緊身背心內打底，雖比起大騷小蠻腰的JC密實，但依然有睇頭！

做Gym成功減磅

問到會否擔心與JC比較身材，泳兒大方地說：「一定有比較啦！我好羨慕佢嘅身材，佢係真正嘅魔鬼身材，腰好幼、上圍又好豐滿，我會用欣賞角度睇，如果我係男士，我都會流鼻血。（今日咁密實？）之前出活動都着過Deep V，想收埋先，唔想長期暴露出嚟，會怕醜。（唔騷吓條事業線？）搵個適合嘅機會先，我依家練緊舞，遲啲畀驚喜大家。」

泳兒續表示最近「縮胸」，經常做Gym而成功減至80磅：「我想結實啲，唔介意全身減磅，太大負荷都係障礙，輕盈啲跳舞反而更好。（個胸縮水喎？）唔介意，我又唔係Sell呢啲！」

唔介意變平胸

至於JC則在現場邊跳邊揮舞皮鞭，十分投入，她亦展示身上的肌肉，並透露常吸收蛋白質及做Sit Up，腰圍有24吋：「呢排拍戲成日要打排球，我想拍完都Keep住打，因為平時做Model好少時間做運動。除咗打排球，我都會跑步。（跑步會令個胸變平喎？）其實全身都會減磅，我唔介意。」另外，洪卓立大讚JC漂亮，但沒有買她的寫真，更自稱小時候對性感寫真並不好奇。