妄攝女Debby（曾麗儀）、Kinki（林玲）、Norain（陳麗玲）與過氣港姐黃瑩，昨日出席日式餐廳的開幕儀式。四人以貴價吞拿魚王製作壽司，打扮性感的黃瑩大騷35D豐滿上圍，不時俯身搶鏡，難怪Debby也自嘲身材不夠好！成功搶鏡的黃瑩笑說：「我已經習慣性感，性感冇問題，睇番工作需要。」她又表示有意拍寫真，與o靚模分一杯羹。
對於隊友Cat（陳雅絲）被轟冇考會考，卻借男同學的成績單騙人，問到會否擔心被拖累，Kinki竟說：「其實我哋係分開發展，所以唔關事！」Debby則說：「我唔知道真相，知佢唔開心都有打電話畀佢，點都會支持佢！（件事係真？）冇問，會考已經好大壓力，最緊要係佢嘅心情。」
