09/08/2010

播放本新聞相關短片

鍾舒漫遲到參賽險失機

陳偉霆、鍾舒漫、泳兒和洪卓立昨日擔任《英皇新秀歌唱大賽面試》評判嘉賓，鍾舒漫透露入行前參加歌唱比賽時，因面試遲到而想放棄：「好在嗰時有工作人員拉我入去面試。」陳偉霆則表示參加新秀時，還未開始唱歌，老闆楊受成即問他的衣着打扮：「嗰時我着咗個蜘蛛網喺身，仲以為好有型，嗰刻真係有啲淆底。」泳兒則謂面試時穿上橙色衫配喇叭褲：「我唔想再睇番以前個樣。」

談及評審標準，四人認為歌藝最重要，再看參賽者是否具觀眾緣？洪卓立說：「我會睇埋佢哋係咪會好浮誇，我最怕人作狀。」