四場《金曲娛樂真經典演唱會》昨晚圓滿結束，尾場全場爆滿，黃宇詩亦現身捧媽媽華娃場。早前在個唱上不慎絆倒的仙杜拉走出陰霾，熱情地走向觀眾席與粉絲近距離接觸，但有兩名保安相伴。鄭少秋與謝雪心合演《劍合釵圓》時，全情投入的他演至淚流滿面。
秋官完騷後出席慶功宴，對於阿姐汪明荃指他快嫁女，他即否認：「你聽佢講啦！當時我點好意思叫佢同家英哥點點點（生仔）！大女同欣宜嘅男友我都好滿意。」至於發火鬧音樂總監杜自持的華娃，指當時並非發火：「當晚係亂，只係講笑，冇諗過咁大反應，真係唔好意思。（呻三十幾年冇出DVD？）講吓得啩！」
另外，欣宜昨日出席活動，被問到秋官在個唱上提起女兒結婚，她說：「唔係話我，估計係美國嘅家姐。（咁你呢？）我願望都想結婚，現以事業為重，但唔會似媽咪咁遲先生BB！」