蔡卓妍（阿Sa）、林峯及王祖藍昨日分別到戲院為電影《翡翠明珠》謝票，林峯到達時遭數十Fans圍睹，好不容易才進入戲院派紀品給觀眾。談到他與阿Sa戲中的咀戲其實可以再激一些？他坦言下一套可以再激一點，問他是否挑戰床戲，他說：「都得，古裝拍床戲就難啲，不過我覺得時裝可以尺度放寬，拍電影更加生活化，不過呢套戲賣點唔係咀戲。」他謂若票房理想，不介意如阿Sa及容祖兒所說，要他付出腳毛。
阿Sa稱拍戲只會享受過程，但對林峯提議與她拍床戲時，起初不信，其後大方說：「好呀！劇情需要都好呀！不過我好驚，佢好多Fans，係白馬王子。（係咪你白馬王子）我惟有答係。」阿Sa笑言已多次遭對方電倒，電到頭髮都沒有。問她有何妙計谷票房時，她又擺林峯上枱，她表示若票房理想，會叫他裸跑：「佢多Fans嘛！都應該冇人想睇我同祖兒裸跑，但我哋會喺側邊打氣囉！」