劇集《女人最痛》昨日在將軍澳東港城商場宣傳，除馬德鐘外，大部分演員如米雪、張可頤、滕麗名、張嘉兒、何傲兒及陳國邦等皆有出席。對於外間以「豬扒」來形容今屆的出爐港姐陳庭欣及三甲佳麗，身為「過來人」的張嘉兒說：「佢哋都冇乜嘢，應付得幾好呀！每年港姐都會被批評，網民好似老師咁，當係考驗。（你同佢哋比邊個慘啲？）我！不過過咗去啦！」她又透露當年壓力大，需向家人傾訴，更直言陳庭欣可找她分享有關經驗。
對於有指《女》劇疑似抄襲外國劇集《俏Betty》，張可頤說：「有部分類似，不過唔好話抄。（布景似到十足？）我哋靚好多！啲OL又省鏡，不過最緊要觀眾有共鳴。」米雪則表示未有看過《俏Betty》，對於亞視的新劇看來氣勢不錯，她說：「我完全冇緊張，大家題材都唔同。」
