周秀娜、「警鐘胸」Jessica C.、「百果園咪神」DaDa、「浸大E神」Carol、楊汀叮、台模宋紀妍和「翻版林志玲」葉芷婷等模昨日出席活動，眾人收起性感變得冇睇頭，唯獨Jessica最為吸引，她說：「今日只係小小性感，唔想露太多。」但風頭還是不及兩位「是非精」DaDa及Carol搶鏡。
DaDa曾指Carol寫真似鹹書佗衰家，Carol反駁對方借她抽水，昨晚兩人同場，完全沒有尷尬，還扮老友，攬腰傾偈，大方任影。兩女書展後，年底均會再出月曆鬥一番，DaDa表示公司會為她推出個人月曆，被問到會以甚麼形象示人，她說：「有衫着，都有啲性感，會性感過寫真，但未知喺邊度影。（甫士會唔會似Carol咁大膽？）唔會。（驚好似Carol咁被批評？）我都有被公司鬧，要封口唔應該批評人，我係新人，亂咁批評人係唔啱。」
而Carol對於DaDa指封口不評論人，被問到是否覺對方有進步，她說：「佢咁做有佢嘅講法，都有進步。（佢收口你係咪好開心？）呢樣都講咗好耐，攞第二啲新嘢嚟講。（唔使抽你水？）呢句已過時，大家冇隔夜仇。」
而周秀娜則姍姍來遲，有傳大會因此而將活動延遲，被指是模一姐的她說：「我冇遲，大會叫我呢段時間嚟。（你係一姐？）我都係企隔籬，從來都唔係一姐。」