有「翻版薛凱琪」之稱的o靚模Cherry（顏卓靈）擁有甜美笑容而成為廣告新寵，而且她亦是愛吃甜品之人。最近Cherry經常到加勒比海Cafe拍攝，除了環境舒適，餐廳的蛋糕亦非常吸引。
Cherry說：「呢度啲蛋糕全部都係自家製，所以非常新鮮，而且款式多，仲有我最鍾意食嘅朱古力味。」
除了甜品外，Cherry亦介紹招牌德國熱狗及特飲：「熱狗係即叫即做，雖然等嘅時間耐啲，但烤出嚟熱辣辣非常好食，而且配料任意配搭，非常啱自己口味。」
特飲方面，以檸檬小麥草最受女仔歡迎，Cherry仲大讚飲品大大杯，非常抵飲：「有時會同公司啲同事嚟呢間Cafe飲嘢，佢哋啲飲品夠大杯，慢慢飲可以Hea好耐，又唔會話好趕時間，仲可以影吓相添。」