張燊悅與廖碧兒昨日以愛護大使身份出席《遏止兒童及青少年色情人口販賣》活動，腹大便便的張燊悅站在台上時，不時撫摸肚子和皺起眉頭：「BB可能唔習慣咪高峰嘅聲音，所以踢我肚皮，預產期係九月頭，隨時生得o架嘞！（你仲出嚟？）公眾地方生仲好，多啲人照顧到我。」她透露最擔心是作動時，不知如何安置大女：「老公喺我產後攞假陪我，今次第二胎，啲親友都冇咁緊張o架嘞！（男定女？）未講得，因為有個盤畀朋友估，依家估係仔多，輸咗嗰啲為我囡囡畀奶粉錢。」
另外，廖碧兒透露外國販賣兒童問題較嚴重，日後會向子女灌輸知識，教他們不要胡亂與陌生談話。問到是否想做歌星？她說：「如果有劇集搵我唱主題曲都開心o架！有張個人EP都幾好。（同樂易玲提議？）樂小姐覺得藝人適合就會安排適當工作。」