吳雨霏（Kary）最近改行Rock女路線，與樂隊Hardpack推出新碟《合+歡》，獲唱片公司豪擲數十萬元宣傳，並效法周秀娜租用大型貨車遊勻全港，除車身貼上各人造型外，貨車還改建成流動舞台，相當有噱頭！昨日Kary身穿背心、熱褲偕Hardpack殺入旺角，本來他們在車上派海報，後來突然興起衝落車，行到曾被鏹水彈襲擊的行人專用區。

突被洋漢攬腰的Kary，嚇得即時叫「救命」！

逃離人群後，猶有餘悸的Kary未敢放下雙手。

向男友報告

Kary全程雙手護胸，而成員Kevin則大叫：「出碟呀！快啲嚟支持！」吸引逾百人搶奪海報，由於人太多，眾人被迫停在路中心，期間有外籍遊客邀Kary合照，除攬實其纖腰外，又與她面貼面，她即求救說：「救命！」Kevin即時拉她離開，前後逗留不足5分鐘！問到是否被抽水，Kary說：「相信佢係熱情，唔係有惡意，不過好突然。（同男友講？）我會同佢講，冇乜嘢要佢擔心。」

出發前，Kary在電台回應鄧麗欣夾埋好姊妹區文詩杯葛傅穎的報道，她說：「報道誇張，等我跟進吓！（做和事老？）我好忙，要湊仔（指Hardpack），唔得閒湊女！」