樂壇天后容祖兒、林峯、阿Sa、王祖藍及楊千嬅等，昨晚錄影《勁歌金曲》。原本要唱兩首歌的阿Sa，因氣管不適，只跟林峯合唱一曲。她表示早前在內地拍戲，因當地多蚊要用蚊香，豈料引致氣管敏感！林峯錄影前請阿Sa喝開聲茶，當記者指林峯的開聲茶很貴，要數千元一劑時，她說：「唔係啩！佢只係話唱歌老師介紹嘅。（點報答佢？）咪叫我媽咪煲番劑50蚊嘅畀佢囉！但佢啲開聲茶係唔同以往我飲嗰啲，係甜嘅。（考慮單身嘅林峯？）我襯唔起佢喎！佢太好，我好多缺點，又成日病！」
至於林峯得悉阿Sa自稱襯不起他時，他說：「唔好玩啦！（多個緋聞女友，唔使成日得鍾嘉欣？）都好，我同阿Sa性格幾夾又啱傾，夾過同鍾嘉欣，同埋阿Sa同公司，成日會見到，而嘉欣除咗開工之外都冇乜聯絡。」他更表示同公司的阿Sa和祖兒也很搞笑，問到會揀哪位？他笑言要問過父母才可決定！