無綫《2010香港先生選舉》將於本月21日舉行，昨日10位參賽者先來一場水球友誼賽，在兩位香港水球代表帶領下鬥足20分鐘，最後由(6)鄭文康、(7)許健森、(8)劉志偉、(9)葉家泓及(10)翟威廉一組勝出，其中只得18歲的葉家泓更奪得「傑出表現獎」！

放大圖片	年僅18歲的葉家泓勇奪「傑出表現獎」，青出於藍！	港男未正式決賽，昨日先爆熱身水戰。

為了表現自己，參賽者都十分拚搏，最瘦弱的黃田麒在一輪勇猛追截後，體力明顯不繼，一度在池中氣促「扯蝦」，還曾打手勢示意要求暫停，可惜戰況激烈，冇人理會！事後被問到「扯蝦」時，他承認：「係扯咗兩秒鐘，因為飲咗啖水！（擔心你會出事？）唔會有事！我個人咁大隻，我有游水嘅！（運動差？）意外避免唔到，我體力係差啲，係靠腦搵食，不過都會訓練體力！」

葉家泓預會考攞10分

至於勇奪「傑出表現獎」的葉家泓表示，平日有玩手球，記者笑他為何不讓大哥哥？他笑說：「比賽冇得讓！」身為應屆「末代會考生」的他，今日請假回學校取成績單，他預計自己只得10分，並已報讀IVE的設計課程：「參選港男係想買個『保險』，遲啲先諗讀書定入娛樂圈。」