周秀娜（Chrissie）昨日穿上短褲露蠻腰和長腿，出席朗豪坊舉行的《英格蘭足總盃獎展覽2010》揭幕，她說：「世界盃嗰排氣氛好好，我就鍾意曼聯，最鍾意嘅球星就係朗尼同C朗。」早前她被動漫大會封殺，嚴禁於攤位宣傳，但Chrissie一於少理，上周日還穿上誇張的Cosplay進場宣傳，吸引大批龍友圍觀拍照，場內擠得水洩不通。

周秀娜主持開球，表現有板有眼。	動漫節現場有反o靚模團體示威，市民即席簽名支持。	劉欣宜表示今年未有機會到動漫節。

對於被大會指違規，Chrissie淡然及理直氣壯地說：「其實都過咗去啦！嗰日去係參加參展商嘅活動，之前都知道會出席活動，我只係做番自己嘢。（入動漫節有冇被阻？）冇喎！入去都好順利，可能係大會同參展商溝通出現問題。（覺得被針對？）一直唔覺。」連客戶都敢冒犯，娜姐果然是烈女！問到動漫過後忙甚麼？Chrissie表示稍後會去捽碟，已學習半年，終可實現夢想。此外，「反o靚模」團體昨日在動漫節抗議，但發起人否認針對Chrissie。

劉欣宜自誇寫真屬中上

另一邊廂，梁俊軒昨晚舉行迷你音樂會，吸引劉欣宜（E Cup Baby）、唐寧及戚黛黛等捧場，E Cup Baby表示欣賞梁俊軒的音樂才華：「都會向佢邀歌！」參加動漫節出身的她，今年未有機會到動漫節：「我比較留意寫真，睇過幾本之後，覺得自己嗰本都屬於中上，銷量都唔錯o架！」