自妹妹莊思明當選港姐後，莊思敏心情大靚，昨午被發現到中環置裝，晚上則出席《諜海風雲》首映。甫到場即被追問有關妹妹負面新聞的她說：「話我妹妹後台勁？咁講對張天愛好唔公平，因為一直話(11)（李文煊）後台最勁，佢嘅提名人咪係張天愛囉！我妹妹當選之前，我比佢仲緊張，所以邊有內定呢啲嘢吖！」
至於妹妹被指貌似周啟邦兒子周國豐，莊思敏說：「係面形似啫！（又話你爸爸有意叫你另一個妹明年參選喎？）我諗冇乜可能，我嗰個妹唔鍾意做呢行，除非佢今年內EQ大躍進啦！（爸爸送樓獎勵思明？）我諗送車囉！」
同場的動漫Maggie李曼筠被問到今年為何沒有出席動漫節時，竟「O嘴」說：「閉咗幕喇咩？（升呢唔接動漫Show？）唔係，我喺電影界仲係新人嚟o架！」