盧大偉、薛家燕和黃淑儀等，昨晚錄影《超級遊戲獎門人》，由於嘉賓平均年齡較大，未必承受到緊張刺激遊戲，故昨晚取消了「爆波波」環節。問到家燕姐若輸了要吃芥辣怎辦，她說：「我會叫個仔出嚟頂，我有晒免死金牌，其實今次出嚟都係畀人得啖笑啫！」
另外，家燕姐92年以110萬買了兩個縮水舖，現每個單位以13萬8千元賣出：「雖然蝕好多，當年係用《真情》成年收入嚟買，纏擾咗成廿年，加上荒廢咁耐日久失修，可能要再揼錢落去，所以都唔想再糾纏，就賤價賣咗。之前我哋成班苦主聯盟，但同我哋打官司嘅公司都清咗盤，有啲業主聯絡唔到，惟有放棄，依家算係放下心頭大石，我同其他業主成為咗好朋友，攞到錢之後，會食飯慶祝。」
