今日會考放榜，G.E.M.、梁詠琪（GiGi）、鄧麗欣（Stephy）、泳兒和陳偉霆等昨晚為會考生打氣，GiGi鼓勵學生分數不代表一切，至於有女學生成績欠佳即跳入o靚模行業，她說：「錯晒！咁係唔長久，知識先係一世嘅，o靚模只有青春嗰段時間，過咗就冇，應該讀多啲書。」兩年前才經歷會考放榜的G.E.M.，談到o靚模問題，她說：「只係表面，唔係長久，讀書先可以充實自己，內涵最緊要。」

G.E.M.（左）和陳偉霆等出席apm會考放榜活動，為考生打氣。

洪卓立（左起）、鍾舒漫、泳兒、鄭家維和陳偉霆，齊齊出席活動。

此外，Stephy身披綠色小外套，內襯超貼身低胸短褲上陣，因衣料肉色，看似裸體，她坦言緋聞男友方力申曾過目：「佢話可以再放啲。」至於餅碎表示不信她與傅穎不和，Stephy說：「依家計劃去雲南工作前約食飯。（親自打畀傅穎？）我忙緊工作，所以會交畀區文詩約。」

Monique預計得十分

另外，年初因藏毒被捕的周凱盈（Monique）及新八模成員江怡（Betrys）都是應屆會考生，她們對放榜表現緊張，Monique說：「預咗有十分，考得唔係咁好，都好擔心，衰咗會報讀語文課程。」Betrys則在微博留言指會考只是人生的一個階段，並非唯一出路。另外，舊八模成員蔡穎恩（Evelyn）也在微博勉勵考生，她指人生不會因為一次失敗而完結！

Monique對於放榜表現緊張。

汪圓圓盼考生不要執着分數。

汪圓圓成績差落淚

至於模特兒汪圓圓昨日出席《apm第5屆終極打氣倒數迎放榜》活動，她自言求學時曾因成績差而落淚，並勉勵會考生不要氣餒：「最緊要做人有進步，唔需要執着分數，好多成功人士都唔係大學畢業。」同場的模特兒周倩圯則自爆冇心機讀書，會考僅得單位數字成績。