早前世界盃舉行期間全城熱捧，圈中不少「球癡」每晚不惜捱眼瞓瞓身支持，就連本身不是足球迷的方皓玟亦加入觀波團，除了相約好友去餐廳邊食邊睇波，還打牙骹戰搞氣氛，但輸了要被罰吃花生殼，認真搞笑！
小小So：前排有冇睇世界盃？
方皓玟：有呀！雖然我唔係足球迷，但都鍾意睇，睇到對眼都呆晒！
小小So：喺屋企睇？
方皓玟：唔係，我約埋四、五十個朋友成大棚人出去，一路打邊爐一路睇，大家撐唔同嘅國家，好熱鬧。
小小So：有冇賭波？
方皓玟：冇賭錢，但有打賭，輸咗嘅要食花生殼囉！我都食咗少少o架！因為今年啲波超爆冷，好難估！
小小So：邊睇邊飲酒？
方皓玟：飲半杯左右咋！我唔識飲酒又有哮喘，飲少少就要即刻返去瞓！