歐陽震華（Bobby）、宣萱、陳山聰、陳自瑤（YoYo）和呂珊等昨日錄影《施公奇案II最終解謎》，劇中演員均穿着睡衣示人，但唯獨呂珊與YoYo較性感，YoYo的吊帶Lace睡裙更令Bobby大叫「硬晒軚」，期間眾女又圍着Bobby扮咀嘴，補祝他生日！

Bobby被陳自瑤、唐寧和宣萱等圍住，艷福無邊。

穿上吊帶睡裙的陳自瑤，性感迷人。

收視50點開水上派對

Bobby說：「好怕呢啲，真係標眼水，一見啲女仔着睡衣就係咁，視線唔知擺喺邊好。」此劇收視平均31點，Bobby抵死地說：「31係宣萱身形，條腰！（係咪之前你條泳褲唔夠勁？）我好佩服啲港男、港姐，喺咁多人面前着泳褲，我都已經掹到成條臘腸咁，乜嘢輪廓都見晒，同泳衣冇乜分別，仲要畀監製話冇攞條海參畀我。」談到應否打扮更激再谷收視，他說：「50點咪搞水上派對囉！一定唔打底。」

至於性感示人的YoYo坦言最緊要靚，問男友有否見過她穿此睡衣，她說：「呢件新買o架！（Bobby話硬晒軚！）唔係，佢畀咁多女仔圍埋去，所以硬晒軚啫！（男朋友鍾唔鍾意？）最緊要自己鍾意就得，好似襪褲，男仔普遍鍾意，唔一定要好性感。」