本文重點
曾志偉昨日出席與鄭威濤（Ricky）合資的兩間獎門自家烏冬店開張儀式，提到莊思明當選港姐季軍惹來爭議，被網友狂踩及質疑賽果內定，志偉為對方說盡好話：「三甲都係我心目中嘅人選，莊思明個人心地好，講嘢好真！（幾個大熱都出局喎？）當選嘅高大，選美係選呢啲喇！其實冠軍口才好，亞軍大方得體o架！」
Ricky攬女被罰頂痰罐
對於拍檔Ricky因被周刊拍得「醉酒攬女照」而避席，志偉自言多年沒有翻閱周刊，但為Ricky買書了解詳情，更落力為他「解畫」：「生意人出嚟飲酒應酬冇辦法，今次只可以話唔好彩，最慘佢要同老婆解釋！（罰扭耳仔同頂痰罐？）實有啦！」對於周刊曾致電他問反應，但當時因忙着綵排港姐活動而匆匆收線，結果被寫成「欲與Ricky劃清界線」。志偉說：「個記者根本冇講清楚係邊間（周刊），我見愈講愈唔對路，自己又冇睇過啲相，梗係唔回應啦！今日睇完，覺得Ricky應該係飲到斷片，所以同女伴Goodbye Kiss啫！」由於Ricky的飲食生意已拓展到內地，志偉不會劃清界線，更打趣希望對方再開分店可湊他一份。另外，記者聯絡Ricky，不過有人用「聽唔到」為由匆匆收線。